Facebook ijtimoiy tarmog‘ida poytaxtimiz ko‘chalarida paydo bo‘lgan g‘aroyib mashinalar suratlari tarqaldi. Ular yonib turuvchi chiroqlar bilan bezatilgan. Ularning qanday avtomobil ekani, nima maqsadda bunday bezatilgani haqida hech qanday ma’lumot yo‘q.
Foto © facebook.com/onlyinuzbekistan
Biroq suratga izoh qoldirgan foydalanuvchilar shunday ko‘rinishdagi mashinalarni ko‘chalarda uchratgani, ular qator bo‘lib tizilishib yurganini ta’kidlagan va ular qaysidir kompaniyaga tegishli ekanini taxmin qilgan.
Yana bir foydalanuvchi esa Yangi yil ruhida bezatilgan bu avtomobillar taksi ekani haqidagi fikrini bayon qilgan.
Foto © facebook.com/onlyinuzbekistan
Ko‘pchilik bayramona bezatilgan mashinalarga nisbatan iliq fikr bildirgan, g‘oya egasini maqtagan. Ba’zilar, hatto qaysi avtoservisda mashinani bunday bezatish mumkinligi bilan qiziqqan.
Shuningdek, avtomobillarni chiroq bilan yasatish bachkanalik deb hisoblaganlar ham bo‘ldi.
Aziz mushtariylar, siz ham shahrimiz ko‘chalarida bunday ajoyib mashinalarga ko‘zingiz tushdimi? Ular haqida qanday fikrdasiz?
