MegaShou.Net - Orginal Bepul Taronalar

Toshkentda VIII Xalqaro sanoat yarmarkasi va Kooperatsiya birjasi o‘tkaziladi

DOSTON — Tue, 04 Mar 2014 16:12:11 GMT

Yarmarka ikki bosqichda o‘tkaziladi.
Toshkentda VIII Xalqaro sanoat yarmarkasi va Kooperatsiya birjasi o‘tkaziladi. Bu haqidagi Vazirlar Mahkamasining qarori Lex.uz’da e’lon qilindi.

VIII Xalqaro sanoat yarmarkasi va Kooperatsiya birjasini ikki bosqichda o‘tkazish rejalashtirilgan.

2014-yilning mart-iyun oylarida o‘tkaziladigan Sanoat yarmarkasi va Kooperatsiya birjasining birinchi bosqichi doirasida hududiy va tarmoq sanoat yarmarkalari bo‘lib o‘tadi. Ular bilan bir O‘zbekistonda ishlab chiqarilgan iste’mol tovarlari yarmarkalarida mahalliy korxonalar ishtirok etdi.

Sanoat yarmarkasi va Kooperatsiya birjasining ikkinchi, 28-oktyabrdan 1-noyabrgacha bo‘lib o‘tadigan bosqichida muhim sanoat tarmoqlarining salohiyat va imkoniyatlari, ishlab chiqarish yangiliklari hamda turli mahsulotlar namoyish etiladi. O‘zbekiston sanoat kompleksining yetakchi korxonalari o‘z mahsulotlarini ishlab chiqarish sektorlari bo‘yicha taqdim etadi. Kommunal xo‘jalik, transport, kapital qurilish va qurilish sanoati, mashinasozlik, mahsulotni standartlashtirish, geologiya, kimyo, elektr texnika, neft-kimyo, metallurgiya sanoati, qishloq va suv xo‘jaligi, sog‘liqni saqlash, ijtimoiy muhofaza, axborot tizimlari va telekommunikatsiyalar kabi sohalar korxonalari keng tanishtiriladi

Toshkentda Nyushaning konserti bo‘lib o‘tdi

DOSTON — Sat, 08 Feb 2014 05:43:15 GMT

3-fevral kuni Toshkentda rossiyalik xonanda Nyushaning yakkaxon konserti bo‘lib o‘tdi. Ma’lum bo‘lishicha, ushbu tashrif xonandaning tashabbusi bilan amalga oshirilgan. Bu haqda "Anons.uz” xabar berdi.

Nyushaning ta’kidlashicha, uni Toshkent bilan ko‘p narsa bog‘laydi. U bu yerga avval ham kelib, kliplar suratga olgan. Taniqli mahalliy xoreograf Sergey Zlotnik bilan hamkorlikda ishlagan. Biroq yakkaxon konsert berish orzusi amalga oshmagan.

Prodyuser Firuza Murodovaning so‘zlariga ko‘ra, Nyusha O‘zbekiston yoshlari orasida juda mashhur. Shuning uchun prodyuserga moskvalik hamkorlar tomonidan qo‘shiqchining konsertini tashkil etish taklifi tushganida, u o‘ylamasdan rozi bo‘lgan.

Murodovaning so‘zlariga ko‘ra, O‘zbekistonda internet foydalanuvchilari tomonidan Nyushaning qo‘shiqlarini onlayn eshitish yoki ko‘chirib olishlar soni doim rekord o‘rnatadi. Shuningdek, ijtimoiy tarmoqlardagi o‘zbekistonliklar Nyushani Toshkentda ko‘rish istagini bildirgan.

Toshkentda muxlislari ko‘pligini bilgan holda Nyusha antiqa shou dasturini taqdim etdi. Jonli ijro, sho‘x raqslar va maxsus effektlar bilan o‘tgan shou haqiqatan eng qiziqarli konsertlardan biri bo‘ldi.

Yorqin, iqtidorli, betakror qo‘shiqchi sevimli xitlari va yangi ashulalari bilan o‘zbekistonlik muxlislarini hayron qoldira oldi. Nyusha bilan 18 kishidan iborat shou-balet esa ushbu tomoshaga a’lo kayfiyat ulashdi.

Eslatib o‘tamiz, O‘zbekistonning Art Modern Music kompaniyasi tomonidan tashkil qilingan Nyushaning konserti poytaxtimizdagi "Istiqlol” san’at saroyida bo‘lib o‘tdi.

Prezident Islom Karimov Sochidagi Olimpiadaning ochilish marosimida ishtirok etadi

DOSTON — Fri, 07 Feb 2014 19:46:17 GMT

[size=8]O'zbekiston Respublikasi Prezidenti Islom Karimov 7 fevral kuni Sochi shahrida bo'lib o'tadigan XXII qishki Olimpiya o'yinlarining tantanali ochilish marosimida ishtirok etadi, deya xabar beradi O'zA.
Marosim Toshkent vaqti bilan soat 21-14 da boshlanadi.

Eslatib o'tamiz, Olimpiya o'yinlarida Vatanimiz sharafini Kseniya Grigoreva va Artem Voronov (tog' chang'isi), shuningdek Misha Ge (figurali uchish) himoya qilishadi.

O'zbekiston bayrog'ining Sochidagi ko'tarilish marosimi 5 fevral kuni bo'lib o'tdi. [color=red]

Qozog'iston prizdenti mamlakatning nomini o'zgartirishini aytdi

DOSTON — Fri, 07 Feb 2014 19:43:51 GMT

Qozog'iston prezidenti Nursulton Nazarboev o'z mamlakati nomi o'zgartirilishi mumkinligini qayd etib o'tdi. Qozog'iston prezidenti ushbu mavzuni Atiraudagi intellektual maktabga tashrifi va jamoatchilik vakillari bilan uchrashuvi vaqtida ko'tardi, deya xabar bermoqda Tengrinews.kz.[color=red]

«Bizning mamlakatimiz nomi oxirida, Markaziy Osiyoning boshqa mamlakatlari qatori, «iston» qo'shimchasi bor. Ayni vaqtda xorijliklar nomi oxirida «iston» qo'shimchasi bo'lmagan Mo'g'ulistonga (ruscha va inglizchada – «Mongoliya» va «Mongolia» ko'rinishida) qiziqish bildirishmoqda», – deya tushuntirdi prezident. U mamlakatning ehtimoliy yangi nomi sifatida «Qazaq elі» («Qozoq eli») variantini taklif qilgan.

«Balki, vaqt o'tishi bilan mamlakat nomini «Qazaq elі» deb o'zgartirish masalasini ko'rib chiqish kerakdir, biroq bu masalada avvalo xalq bilan maslahatlashish kerak», – deya xulosa qildi Qozog'iston rahbari.

Qozog'istonda bungacha ham mamlakat nomini o'zgartirish bo'yicha takliflar bildirilgan, biroq bu tashabbuslar hech qachon rasman qo'llab-quvvatlanmagan. Xususan, 2010 yilgi qurultoy vaqtida millatchi-vatanparvarlar mamlakat Qozoq davlati deb atalishi kerakligini ta'kidlashgan. Bundan tashqari, mamlakat nomini Qozoqiya (Kazaxiya) deb o'zgartirish taklifi ham berilgan.

2013 yili Onlinepetition saytida Qozog'istonni «Qazaq elі» yoki Qozoq Respublikasi deb qayta nomlashga chaqirilgan murojaat paydo bo'lgandi. «Bizni ko'pincha Janubiy Osiyo mamlakatlari, ya'ni, Pokiston va Afg'oniston bilan adashtirishadi, – deb yozgandi petitsiya muallifi. – Jahon maydonlarida qanchalik ko'p g'alabalarga erishmaylik, nomlari zikr etilgan mamlakat nomlari bilan o'xshashlik, ya'ni, «iston» qo'shimchasi Vatanimiz haqidagi tasavvurlarni doimo buzib keladi». Yangi nom, muallifning taxminimcha, Qozog'istonga kelayotgan sayyohlar va investorlar oqimini yanada oshirishi mumkin.

Mamlakatning hozirgi nomi – Qozog'iston Respublikasi – SSSR parchalanganidan so'ng qabul qilingan mamlakat konstitutsiyasida mustahkamlab qo'yilgan.

Ma'lumot uchun, avvalroq O'zbekistonning boshqa bir qo'shnisi – Qirg'izistonda ham mamlakat nomini o'zgartirish tashabbusi bilan chiqishgan edi.

Koreyaning SK C&C kompaniyasi vakillari O‘zbekistonga tashrif buyurdi

DOSTON — Thu, 06 Feb 2014 17:02:33 GMT

Joriy yilning 5-fevral kuni O‘zbekiston Respublikasi Aloqa, axborotlashtirish va telekommunikatsiya texnologiyalari davlat qo‘mitasida Koreya Respublikasining SK C&C kompaniyasi bosh vitse-prezidenti Pak Xeon bilan uchrashuv bo‘lib o‘tdi. Bu haqda qo‘mitaning rasmiy sayti xabar berdi.

Foto: ccitt.uz
SK C&C kompaniyasi delegatsiyasining tashrifidan ko‘zlangan maqsad — O‘zbekiston Respublikasi Prezidentining 2012-yil sentabr oyida Janubiy Koreyaga tashrifi chog‘ida ikki davlat o‘rtasida axborotlashtirish sohasida imzolangan hamkorlik Memorandumi asosida axborot texnologiyalari yo‘nalishida mamlakatlar o‘rtasida keng ko‘lamli aloqalar yo‘lga qo‘yish, istiqbolli loyihalarni amalga tatbiq etishdan iborat.

Delegatsiya a’zolari bilan axborot tizimlarini yaratish, dasturiy ta’minot mahsulotlari bozorini rivojlantirish, “elektron hukumat” tizimini joriy qilish doirasida iqtisodiyotning barcha jabhalariga axborot-kommunikatsiya texnologiyalarini tatbiq etish, sohada malakali kadrlar tayyorlash bo‘yicha dolzarb vazifalar bo‘yicha taklif va tavsiyalar ishlab chiqildi.

Ta’kidlash joiz, SK C&C kompaniyasi SK Group Holding tarkibiga kiradi va Koreya Respublikasidagi axborot texnologiyalari ishlab chiqaruvchilari orasida peshqadamlardan biri hisoblanadi.

Berlin kinofestivalida o‘zbek rejissorining filmi premyerasi o‘tkaziladi

DOSTON — Thu, 06 Feb 2014 16:58:31 GMT

6-fevral kuni ochiladigan Berlin kinofestivalida o‘zbekistonlik kinorejissor Saodat Ismoilovaning “Chilla” nomli filmi namoyish etiladi. Bu haqda kinofestival saytidagi ma’lumotga asoslanib “Kun” nashri xabar beradi.

“Chilla” filmidan lavha. Foto: “Kun” / berlinale.de
Film O‘zbekiston, Tojikiston, Gollandiya, Fransiya va Germaniya kinoijodkorlari mehnati mahsuli bo‘lib, tojik tilida suratga olingan. 88 daqiqa davom etadigan filmda rollarni Rushana Sodiqova, Saodat Rahimova, Farida Olimova kabi aktrisalar ijro etgan.

Toshkentda tug‘ilgan, o‘z vaqtida Toshkentda oliy ta’lim ko‘rgan Saodat Ismoilova hozirgi vaqtda Parijda yashab, ijod qiladi. Faoliyatini hujjatli va qisqa metrajli filmlar bilan boshlagan Ismoilova uchun “Chilla” ilk to‘liq metrajli badiiy film hisoblanadi.

ScreenDaily ma’lumotlariga ko‘ra, Berlin kinofestivalining aslida hech qanday rasmiy sovrin va’da qilmaydigan, asosan yosh, ilk filmi bilan ishtirok etayotgan kinoijodkorlar uchun mo‘ljallangan Forum dasturida qatnashayotgan Ismoilovaning debyut filmi Best First Feature sovrini uchun kurash olib boradi. Ushbu norasmiy yo‘nalishda g‘olib chiqqan film ijodkorlariga 50 ming yevro mukofot puli va’da qilingan.

6-fevral kuni start oladigan 64-Berlin kinofestivalini Ues Andersonning “Grand Budapesht mehmonxonasi” (The Grand Budapest Hotel) filmi ochib beradi. Kinofestival 16-fevralga qadar davom etadi.

UZTE мобил телефонларининг тахминий нарҳи маълум бўлди

DOSTON — Fri, 31 Jan 2014 04:01:02 GMT

Маълумотларга кўра,UZTE Grand X Quad номли смартфон февраль ойининг бошларида эркин сотувга чиқади ва унинг нарҳи ҳам маълум - 800 минг сўм атрофида экан. Смартфоннинг техник хусусиятлари Операцион тизим Android 4.2 (ICS) Ўлчамлари, mm 141×70×9,2 Оғирлиги, g 170 Процессор (BB / РФ) MT6589/MT6167 Частота 1.2 GHz Quad Core Тармоқ GSM/GPRS/EDGE 900/1800/1900 MHz HSPA/UMTS 900/2100 MHz Dual Sim Экран 5 inch, HD 1280×720 IPS Батарея 2500mAh Хотираси 1GB DDR SDRAM+4Gb ROM+4Gb TF card Камера 8MP AFсо вспышкой+ 1MP FF+авто-фокус Аудио формат AMR-NB,AMR-WB,AAC,AAC+, eAAC+,MP3,XMF, MIDI (SMF),SP-Midi, iMelody,WAV,QCELP,OGG Видео формати H263/H264/MPEG-4/AVI Слот TF card учун Бошқалар GPS, AGPS, WIFI 802.11 b/g/n Bluetooth 4.0, A2DP, AVRCP, FM радио

Sardor Rahimxon o‘z konsertiga chiptalar qolmaganligini rad etdi

DOSTON — Sun, 26 Jan 2014 04:13:17 GMT

Sardor Rahimxon o‘z konsertiga chiptalar qolmaganligini rad etdi
25.01.2014// Hamidbek Yusupov// Musiqa va kino
O‘zbekistonda xizmat ko‘rsatgan artist Sardor Rahimxon 6-7-fevral kunlari “Istiqlol” san’at saroyida konsert berishni rejalashtirgan. “Sayyod” xabariga ko‘ra, hozir xonandaning yakkaxon dasturiga tayyorgarlik ishlari qizg‘in pallada.

Saytda ma’lum qilinishicha, san’atkor konsertda oddiylikdan va ishlatilgan uslublardan, odatiy duetlardan chetlangan.

Ammo, Sayyod.uz xabariga ko‘ra, konsertdan avvaloq uning dilini og‘ritishmoqda. Kimdir chiptaxona oldida turib, “Sardor Rahimxonning konsertiga bilet qolmadi”, deb, kelganlarni qaytarib yuborayotgan emish. Bu haqda xonandaning o‘ziga murojaat etib, chipta so‘raganlar ham bo‘lgan. Aslida esa, chiptaxonada chiptalar bor va joyiga qarab, 8000 so‘mdan 70000 so‘mgacha narxda sotilmoqda. Muxlislar bemalol chiptaxonaga o‘zlari murojaat qilib, chipta olishlari mumkin.

Shuningdek, dasturda estradamizdagi xonanda qizlar bilan bog‘liq qiziq sahna ko‘rinishi ham bor, deyiladi xabarda.

Aytgancha, Sardor Rahimxonga o‘z savollaringizni yo‘llang va zo‘r sovg‘alar yutib oling!

“Darakchi” gazetasi faoliyatini qayta tiklaydi

DOSTON — Tue, 21 Jan 2014 19:08:43 GMT

“Darakchi” gazetasi 22-yanvardan o‘z faoliyatini qayta tiklaydi, deb xabar berdi PressNews sayti.

Gazetaning kelgusi soni 31-yanvar juma kuni sotuvga chiqadi, deyiladi xabarda.

Eslatib o‘tamiz, “Darakchi” gazetasi va darakchi.uz sayti faoliyati 2013-yil dekabr oyining boshida to‘xtatilgan edi. “Darakchi”ning “haq to‘lanmaydigan ta’tilga chiqarib yuborilgan” xodimlari dekabr oyi so‘ngida PressNews saytiga asos solgan edi.

Benzin narxi 25 so‘mga oshdi

DOSTON — Thu, 02 Jan 2014 08:07:24 GMT

Narx oshishi yoqilg‘ini iste’mol qilish solig‘ining o‘sishi bilan bog‘liq.

2014-yil 1-yanvardan benzin narxi 25 so‘mga oshdi. Narx oshishi jismoniy shaxslarning avtomobil yoqilg‘isini iste’mol qilish solig‘ining an’anaviy yillik o‘sishi bilan bog‘liq.

Bir litr Ai-80 benzini va yoqilg‘i dizelining yangi narxi iste’mol solig‘i 240 so‘mdan 265 so‘mga oshishi hisobiga 1670 so‘mni tashkil etadi (eski narxi 1645 so‘m).

Ai-91 endi 1835 so‘mga (eski narxi 1810 so‘m), Ai-95 esa 2020 so‘mga (eski narxi 1995 so‘m) oshdi.

Eslatib o‘tamiz, oxirgi marta O‘zbekistonda avtomobil yoqilg‘isining chakana narxi o‘tgan yilning 1-yanvar kuni oshgan edi.